2025-yil 21-aprel kuni SHARQ AYOL Xalqaro ayollar jamoat fondi I va Toshkent davlat transport universiteti (TGTU) o‘rtasida ta’lim, fan va innovatsiyalar sohasida hamkorlik to‘g‘risida imzolangan Memorandum doirasida robototexnika va uchuvchisiz aviatsiya tizimlari (UAT) yo‘nalishida qo‘shma loyihalarni amalga oshirish uchun Rossiyaning «Innobridge» MChJ kompaniyasi jalb etildi.

Hamkorlikning asosiy natijalari:

TGTU va «Innobridge» MChJ o‘rtasida ta’limiy va sanoat robototexnikasi sohasida qo‘shma faoliyatning asosiy yo‘nalishlarini belgilovchi anglashuv memorandumi imzolandi. Ushbu hujjat innovatsion ta’lim dasturlarini rivojlantirish va yuqori malakali mutaxassislarni tayyorlashga qaratilgan uzoq muddatli hamkorlikni mustahkamlaydi.

Shartnoma doirasida «Innobridge» kompaniyasi tomonidan TGTUga amaliy sinovlar va yangi avlod o‘quv-uslubiy materiallarini yaratish uchun zamonaviy robototexnika jihozlari topshirildi.

Mazkur tashabbus universitet talabalariga ilg‘or texnologiyalar bilan ishlash bo‘yicha amaliy ko‘nikmalarni egallash imkonini beradi hamda kadrlar tayyorlash darajasini oshiradi.

Xalqaro tajriba almashinuvi

Alohida ahamiyatga ega yo‘nalishlardan biri -TGTU aviatsiya kafedrasi aspirantlarining Moskvadagi Applied Robotics ilmiy-tadqiqot markazida maxsus o‘qishga yuborilishi bo‘ldi. Dastur ishtirokchilari zamonaviy robototexnika uskunalari bilan ishlash bo‘yicha intensiv kursni muvaffaqiyatli yakunladilar. Kelgusida ular olgan bilimlarini talabalarga yetkazib, universitetning ilmiy-tadqiqot faoliyatini rivojlantirishda muhim rol o‘ynaydilar.
Ushbu hamkorlik O‘zbekistonda yuqori texnologiyali ta’limni rivojlantirishda yangi ufqlarni ochadi hamda milliy ta’lim tizimining global innovatsion texnologiyalar makoniga integratsiyasiga xizmat qiladi.

Saodat Tursunbоeva

https://www.facebook.com/photo/?fbid=1119046053538142&set=a.438812011561553