2025-yil 19-avgust kuni Toshkent shahrida Oʻzbekiston tashkilotlari va Xitoy Xunan viloyati Xalq hukumati delegatsiyasi ishtirokida oʻzbek-xitoy davra suhbati boʻlib oʻtdi.

Xalqaro ayollar fondi SHARQ AYOLI Xitoy bilan hamkorlik tajribasini eslatib oʻtdi: 2019-yilda Xitoy Savdo vazirligi va Xunan savdo kasbiy instituti taklifiga binoan Fond besh nafar faol biznes ayolni “Ayollar tadbirkorligi” mavzusida 20 kunlik oʻquv dasturiga yuborgan edi.

Tadbirda Fond Shukrona Yoʻldashevani — xitoy va ingliz tillarini oʻqitishga ixtisoslashgan onlayn maktab asoschisini taqdim etdi.
Uchrashuv yakunida SHARQ AYOLI Fondi va Xunan savdo kasbiy instituti oʻrtasida Hamkorlik toʻgʻrisida Memorandum imzolash boʻyicha kelishuvga erishildi.

М.Mirsoatova

https://www.facebook.com/photo/?fbid=1109777561131658&set=a.438812011561553