2025-yil 19-avgust kuni Toshkent shahrida Malayziyaning O‘zbekistondagi Favqulodda va Muxtor Elchisi Ilham Tua bin Illiyas qarorgohida SHARQ AYOLI Xalqaro ayollar jamoatchilik fondi hamda O‘zbekiston Menejerlar assotsiatsiyasi rahbariyati bilan uchrashuv bo‘lib o‘tdi.

Uchrashuvda Malayziyaning Sultan Idris Ta’lim Universiteti (UPSI) professori, doktor Che Zalina Zulkifli — Malayziya-O‘zbekiston oliy ta’lim konsortsiumi koordinatori va Aju universitetining Yashil texnologiyalar va intellektual tizimlar xalqaro markazi direktori o‘z loyihalari haqida so‘zlab berdi.

Suhbat davomida “Ayol va raqamli iqtisodiyot”, “Ayollar va oilaviy an’analar” kabi loyihalar doirasida Malayziya ayollar tashkilotlari bilan hamkorlikni rivojlantirish masalalari, shuningdek, Aju universiteti bazasida yashil texnologiyalar va intellektual tizimlar sohasidagi hamkorlik istiqbollari muhokama qilindi.

Saodat Tursunbayeva

https://www.facebook.com/photo/?fbid=1111190444323703&set=a.438812011561553