2025 йил 27 август куни Тошкент вилояти Оққўрғон туманида жойлашган 24-сонли умумтаълим мактабида янги замонавий 240 та уринли мактаб биноси қурилишига бағишланган тантанали тадбир бўлиб ўтди.

Лойиҳа молиялаштирилиши “Sharq Ayoli” жамғармаси ва Корея Республикасининг “Good Neighbors” жамғармаси ўртасидаги меморандум доирасида, Ўзбекистон корейс диаспораси уюшмаси, Ўзбекистон Республикаси Олий Мажлиси Қонунчилик палатаси, Оккургон тумани ҳокимлиги ва Тошкент вилояти халқ таълими бошқармаси ҳамкорлигида амалга оширилмоқда.

Ушбу лойиҳанинг амалга оширилиши таълим соҳасидаги халқаро ҳамкорликнинг ёрқин намунаси бўлиб хизмат қилади.

Кутилишича, янги мактаб истеъдодли ўқувчилар ва малакали ўқитувчилар учун билим масканига айланади ҳамда Ўзбекистон ва Корея Республикаси ўртасидаги дўстлик ва ҳамкорлик алоқаларини мустаҳкамлашга хизмат қилади.

М.Мирсоатова

https://www.facebook.com/photo/?fbid=1115874983855249&set=a.438812011561553