2025 йил 24 ноябр куни Ўзбекистонда «Гендер зўравонлигига қарши 16 кунлик фаол ҳаракатлар» кампанияси расман бошланди. Жорий йилда кампания «Аёллар ва қизларга нисбатан рақамли зўравонликка барҳам берайлик» шиори остида ўтмоқда. Ушбу ташаббус жамиятнинг хабардорлигини оширишга ва зўравонликнинг турли шаклларининг, жумладан, рақамли тажовузнинг ўсиб бораётган кўринишларини олдини олиш чораларини кучайтиришга қаратилган.

Конференция ишида «Шарқ аёли» жамғармаси фаол иштирок этди ва ўз лойиҳалари доирасида «Аёллар ва қизларга нисбатан рақамли зўравонликка йўқ!» мавзусида қатор тадбирларни амалга оширишни бошламоқда. Бу борада жамғарманинг «Аёл ва рақамли иқтисодиёт», «Меҳр», «Кибертайёргарлик ва сунъий интеллект асосларини ўргатиш» каби лойиҳаларининг салоҳиятидан ҳам фойдаланилмоқда.

«Шарқ аёли» жамғармаси 2020 йилда ўтказилган биринчи давлат танлови — «Гендер соҳасида энг фаол ННТ» номинацияси ғолиби бўлиб, Ўзбекистон Республикаси Олий Мажлиси Сенати ва БМТнинг Аҳоли жаҳон жамғармаси (UNFPA)нинг Дипломи билан тақдирланган.

С.Отабоева

https://www.facebook.com/photo/?fbid=1186017576840989&set=a.438812011561553