2025 йил 13 феврал куни «Шарқ аёли» Фондининг офисида «Ўзбекистоннинг миллий аналитик тизимини жорий этиш» СТАРТАП ишчи гуруҳининг навбатдаги мажлиси бўлиб ўтди. Ушбу тизим рақамли ва медиа ресурсларни сунъий интеллект ёрдамида онлайн мониторинг қилиш орқали мамлакатнинг халқаро рейтинг ва индекслардаги ўрнини яхшилашга қаратилган.

Лойиҳа раҳбари Айнель Рымбаева интернетдаги очиқ маълумотлар асосида тайёрланган демо-ҳисобот тақдимотини ўтказди, бу эса СТАРТАП-нинг ишлаш принципларини намоён этди.

СТАРТАП 2024 йил 9 июндаги Президент фармони №УП–91 «Халқаро рейтинг ва индекслар билан ишлаш тизимини такомиллаштириш ва ушбу соҳада парламент назоратини кучайтириш бўйича қўшимча чора-тадбирлар тўғрисида» ҳамда «Рақамли Ўзбекистон – 2030» давлат стратегияси доирасида ишлаб чиқилган.

СТАРТАП 2024 йилдан бери SHARQ AYOLI Фондининг платформасида амалга оширилмоқда.

Саодат Турсунбоева