2025-yil 29-aprel kuni Toshkent viloyatining Nurafshon shahrida «Sun’iy intellekt va elektron tijorat O‘zbekiston qishloq ayollari uchun» mavzusida o‘quv seminar-trening bo‘lib o‘tdi.

Mazkur tadbir “Ayol va raqamli iqtisodiyot” dasturi doirasida tashkil etildi.

Seminarning tashabbuskorlari — Xalqaro xotin-qizlar jamoat fondi SHARQ AYOLI, O‘zbekiston Menedjerlar Assotsiatsiyasi, TBC Bank va O‘zbekiston Respublikasi Oila va ayollar ishlari bo‘yicha qo‘mitasi.
Treningda 100 nafar ayol — amaldagi tadbirkorlar hamda o‘z ishini boshlashni rejalashtirayotgan ishtirokchilar qatnashdi.
Trening maqsadlari:
Qishloq ayollarini onlayn biznes yuritish ko‘nikmalariga o‘rgatish;
Shaxsiy loyihalarni yo‘lga qo‘yishda ko‘maklashish;
Ayollarning iqtisodiy va ijtimoiy imkoniyatlarini kengaytirish.
Ishtirokchilar nimalarga ega bo‘ldilar:
Elektron tijorat sohasidagi asosiy bilimlar;
Internet-do‘konlar yaratish va targ‘ib qilish ko‘nikmalari;
Ijtimoiy tarmoqlar orqali savdo qilish va mijozlar bilan ishlashni o‘rganish;
Sun’iy intellekt yordamida marketing jarayonlarini avtomatlashtirish usullari.

Amaliy vosita va platformalar:
CFO.UZ orqali buxgalteriya yuritish;
Any.market.uz da onlayn do‘konlar yaratish;
Hovli.uz platformasida mahsulotlar joylashtirish va sotish;
Moliyaviy savodxonlik bo‘yicha bilimlar.
Seminar interaktiv formatda o‘tdi: ishtirokchilar o‘z smartfonlari orqali marketing platformalari bilan ishlashni va elektron tijoratda sun’iy intellekt texnologiyalarini qo‘llashni o‘rgandilar. Treningdan keyingi muloqot va ko‘mak uchun maxsus Telegram-kanal yaratildi, u yerda trenerlar bilan doimiy aloqada bo‘lish mumkin.

M. Mirsoatova