2025-yil 12-may kuni Toshkent viloyati O‘rta Chirchiq tumanida “Qishloq ayollari uchun sun’iy intellekt va elektron tijorat” mavzusida seminar-trening bo‘lib o‘tdi.

Mazkur tadbir Toshkent viloyatining 8 ta tumanidan 800 nafar qishloq ayoli uchun mo‘ljallangan keng ko‘lamli o‘quv seminarlar turkumining bir qismi sifatida tashkil etildi. Seminar Xalqaro SHARQ AYOLI ayollar jamoat fondi, O‘zbekiston Menejerlar Assotsiatsiyasi va O‘zbekiston Respublikasi Oila va xotin-qizlar qo‘mitasi hamkorligida, raqamli TBC Bank moliyaviy ko‘magida o‘tkazildi.

Seminarda 116 nafar faol tadbirkor ayollar hamda o‘z biznesini boshlash istagidagi ishtirokchilar qatnashdi.

Seminar davomida ishtirokchilar zamonaviy raqamli ko‘nikmalarni egalladilar. Jumladan, onlayn do‘konlar yaratish, ijtimoiy tarmoqlar orqali savdo yuritish, shuningdek, sun’iy intellekt texnologiyalari yordamida marketing jarayonlarini avtomatlashtirish bo‘yicha amaliy bilimlar berildi.

M.Mirsoatova

https://www.facebook.com/photo/?fbid=1034337388675676&set=a.438812011561553