2026 йил 28 июль куни Ўзбекистон Республикаси Коррупцияга қарши курашиш агентлиги мажлислар залида нодавлат нотижорат ташкилотлар вакиллари иштирокида Агентликнинг 2026 йил биринчи ярим йиллигидаги фаолияти якунларига бағишланган ҳамда иккинчи ярим йиллик режаларини муҳокама қилишга қаратилган жамоат эшитуви бўлиб ўтди.

Тадбирда SHARQ AYOLI Халқаро аёллар жамоат фонди фаол иштирок этди. Фонд раиси С. Турсунбоева коррупцияга қарши курашишни кучайтириш, жамоатчилик назоратини кенгайтириш ҳамда давлат жараёнларининг очиқлиги ва ҳисобдорлигини таъминлашда фуқаролик жамияти институтлари ролини оширишга қаратилган қатор ташаббус ва амалий таклифлар билан чиқиш қилди.

Нутқда аёллар ва жамоат ташкилотларини коррупцияга қарши фаолиятга тизимли жалб этиш зарурлигига, жамоатчилик мониторинги механизмларини ривожлантиришга, шунингдек коррупция хавфларини олдини олиш учун замонавий рақамли ечимларни жорий этишга алоҳида эътибор қаратилди.

М.Мирсоатова

https://www.facebook.com/www.silkway.uz/posts/pfbid0NfQ8w7wAE1Fib21WLomBtASmKuFZUt9qCmtruGcCmx6A2LeGXtJ4jXow2Mu56V13l   и  https://www.facebook.com/photo?fbid=1380253460750732&set=a.438812011561553